البنك الاسلامي والبنك الكلاسيكي :
كاملين سمعنا بالبنك الاسلامي، ولكن قليل فينا لي عارف اشنو المقصود بمصطلح البنك الاسلامي، داكشي علاش اليوم بغيت نهضر عليه، وندير مقارنة بينو وبين البنك الكلاسيكي.
البنك الاسلامي باختصار هو بنك تايقوم على قول الله -سحانه- فسورة البقرة الآية 275 :
الَّذِينَ يَأْكُلُونَ الرِّبَا لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُواْ إِنَّمَا الْبَيْعُ مِثْلُ الرِّبَا وَأَحَلَّ اللّهُ الْبَيْعَ وَحَرَّمَ الرِّبَا فَمَن جَاءهُ مَوْعِظَةٌ مِّن رَّبِّهِ فَانتَهَىَ فَلَهُ مَا سَلَفَ وَأَمْرُهُ إِلَى اللّهِ وَمَنْ عَادَ فَأُوْلَئِكَ أَصْحَابُ النَّارِ هُمْ فِيهَا خَالِدُونَ.
وبالتالي من الطبيعي جدا الاعتقاد ان هاذ الابناك الاسلامية هي أبناك ماتاتخدمش ب"الربا" أي ماتاتعطيكش كريدي وتزيد عليك ديك la marge bénéficiaire، كيما تايديرو الابناك الكلاسيكية، او الربوية كيما تايسميوها صحاب الابناك الاسلامية، ولكن واش هاذشي بصح؟ واش vrai ان les banques islamique ماتايزيدوش ديك la marge bénéficiaire؟
فالحقيقة، الأبناك الاسلامية تاتخدم بواحد systeme ديال السماسرية، حيت بدل ماتعطيك فلوس تمشي تشري دار ساوية 20 مليون سانتيم، تاتشري هي ديك الدار من عند مولاها بديك 20 مليون سانتيم، وتاتبيعها ليك نتا ب25 مليون سانتيم، بمعنى أنها خدات واحد la marge bénéficiaire ديال 5 مليون سانتيم، لي هي نفسها la marge bénéficiaire لي غاياخدها منك بنك كلاسيكي، او ربما تقدر تكون أقل حيت الابناك الكلاسيكية كاتنقص من taux de marge bénéficiaire منين تايكون المبلغ كبير. دابا شنو هو الفرق بيناتهم؟
فصراحة ما كاينش فرق بين بنك اسلامي وبنك كلاسيكي غير فالسمية والطريقة ديال الخدمة، فبلاصت ما البنك الكلاسيكي يمشي يشري الدار، ب 20 مليون ويبيعها ليك نتا ب 25 مليون، تايقوليك هاك شري نتا الدار ب 20 مليون، وبلاصت ماترد لي 20 لي عطيتك، غاتزيدني 25 حيت تعاونت معاك، اما البنك الاسلامي فتايمشي يشريليك الدار لي بغيتي ب 20 مليون، وتايبيعها ليك ب25 مليون.
هذا مايمكنش نعتابروه فالصراحة فرق، حيت البنكين بجوج تايشدو ديك la marge bénéficiaire ديالهم، الفرق غايكون، اذا كان البنك الاسلامي ماتايتحايلش وعطاك 20 مليون، باش ترد ليه 20 مليون، باش يتسمى اسلامي نيت، ولكن تحقيق هاذ الشرط مستحيل حيت مع غايتحل هاذ البنك غايدير افلاس.
بقلم : زكرياء بلقاسم
هذا مايمكنش نعتابروه فالصراحة فرق، حيت البنكين بجوج تايشدو ديك la marge bénéficiaire ديالهم، الفرق غايكون، اذا كان البنك الاسلامي ماتايتحايلش وعطاك 20 مليون، باش ترد ليه 20 مليون، باش يتسمى اسلامي نيت، ولكن تحقيق هاذ الشرط مستحيل حيت مع غايتحل هاذ البنك غايدير افلاس.
بقلم : زكرياء بلقاسم
