عمرك فقتي من نعاس ولقيتي كيلوطك عامر حيوانات منوية؟ إذا وقعات ليك, نبغي نقوليك أن هذيك الحالة سميتها الاحتلام, أو كيما تايسميوها العلماء الافرازات الليلية, دونك أشنا هو الاحتلام؟ وواش عادي أنني نحتالم, وفي حالة ما كنتش تانحتالم واش عادي؟ كلها أسئلة غادي نجاوبو عليها, باش نحيدو الغطاء الخرافي لي كنا تانسمعوه على هاذ الحالة فاش كنا صغار, دونك :
شنو هو الاحتلام؟
الاحتلام أو الافرازات الليلية هي الحالة فين تانقدفو لاإراديا وحنا ناعسين, الإحصائيات تاتقول أن 83% ديال الرجال جربو هاذ القضية ديال الاحتلام, أو خليونا نقولو احتلموا, بينما 37% ديال النساء فقط هوما لي عاشوا هاذ الحالة, وهنا تايخصنا نفرقو ما بين الرعشة الجنسية فاش تانكونو ناعسين ولي تاتكون بلا قدف, وما بين الافرازات الليلية لي تايكون فيها قدف.
أشنو هوما الأسباب ديال الاحتلام؟
فالفترة مابين 10 سنين تال 12 عام تاتبدا فترة البلوغ عند دراري, وفهاذ المرحلة بالذات تايبداو الافرازات ديال الحيوانات المنوية, وتايولي الذكر قادر يقدف, فهاذ المرحلة بالضبط تايبداو يعيشو هاذ التجربة, سواء قبل مايعرفو الاستمناء (العادة السرية) أو من بعد مايعرفوه, السبب لي تايخلي معظم الدراري, يعيشو هاذ التجربة, هو االاحتكاك ديال الأعضاء التناسلية ديالهم مع الغطا لي معطيين بيه, أو الحلم, أي أنهم تايشوفو مشاهد جنسية لي ماشي بالضرورة تاتعبر على الميول الجنسي ديالهم, هاذ الأخيرة أي المشاهد الجنسية لي كاتجيهم فالحلم, كاثيرهم وكاتخليهم يوصلو للرعشة الجنسية, لي قلنا تقدر تكون مصحوبة بافرازات, وهنا تاندويو على الافرازات الليلية, ولأخرى لبدون افرازات, أو بدون قدف, على العموم الاحتلام بسبب الحلم تايكون سبابو أن الدري, مامارسش الجنس منذ مدة, أو أنه ما مارسش العادة السرية, وبالتالي الجسم كايلتاجأ لهاذ الحل, باش يقلل من خطر الإصابة بسرطان البرستات لي غاندويو عليه فمقال آخر, فين غانهضرو على العادة السرية.
واش الاحتلام أو عدم الاحتلام شي حاجة لي هي عادية؟
الدراسات بينات أن الاحتلام حالة طبيعية, يقدر يمر منها أي مراهق, سواء فسن مبكر أو متأخر ماتايهمش, وبالتالي ماكاينش لاش تحرج المرة جاية إذا فقتي ولقيتي كيلوطك لزج, وحذاري تسول صحابك على الأمور الجنسية حيتاش ديما غادي يعطيوك أجوبة لي هي مغلوطة, لعدة أسباب, سواء باش يعيقو عليك ويبينو على الفحولة ديالهم, ظنا منهم أن من علامات الفحولة والرجولة هي الاحتلام, وهاذ الهضرة ماكايناش, أو باش يقولولك فقط أنهم نعسم ولاو بالغين وتايقدفو, ألوغ كو ماشي بالضرورة تعيش تجربة الاحتلام باش تأكد أنك تاتقدف, حيتاش ماشي كولشي عوتاني تايعيشها, وأنك ماعمرك عشتيها ماتايعنيش أنه عندك شي مشكل, بلعكس, الأمر طبيعي فكلتا الحالتين.
ختاما, إذا كان عندك شي سؤال على بحال الأمور ماتددش تسول باباك راه غادي يجاوبك, ماتخليش الحرج يغلب عليك, حيتاش ماكاين تا حرج فهاذ الأمور لأنها تاتبقى أمور بيولوجية من حقك تعرفها, أو سول الطبيب لي تايكون فحومتكم, راه بطبيعة الحال غادي يجاوبك.
بحت/ترجمة/إعداد : زكرياء بلقاسم
