أولا قبل مانجاوبو على هاذ السؤال : شنو هي أطول تجربة ديال الغروب ممكن تعيشها؟ خاصنا نعرفو بعدا شنو هو الغروب؟
وبالتالي هذا هو الغروب :
وهذا ماشي غروب :
ولغرض الإجابة على السؤال ديالنا نبغي نقوليكم : هذا ماشي هو الغروب :
وحتى هذا ماشي غروب :
وبالتأكيد تا هذا ماشي غروب :
وبغض النظر على هاذ العجب أشناهو, المهم أنه ماشي غروب !
على العموم غروب الشمس هو الوقيتة فين الشمس كاتختافي تحت خط الأفق, من الجهة الغربية من نصف الكرة الأرضية لي تانشوفوه ولي عايشين فيه, باتجاه النصف الآخر منها, منين تاتكون اختافات بشكل كامل, ديك ساعة كانكونو تانتحدثو على غروب, أما إذا مشات باتجاه خط الأفق, وواحد شوية تنادم معاها الحال وطلعات بشي طريقة, ديك ساعة هذاك ماشي غروب.
ألوغ الغروب لي ممكن نعتابروه غروب, هو هذاك لي كايكون غادي تحت خط الأفق, وإذا اختفت الشمس ورا شي جبل فراه هذاك ماشي غروب, واخا تايبان ليك بحال الغروب :
والسبب لي تايخلينا مانعتابروش هذاك غروب هو أنه إذا اعتابرناه غروب, فراه أي وقيتة بغينا نشوفو فيها الغروب يمكن لينا نغطيو الشمس بحجرة, وها الغروب !
دابا منين عرفنا شنوهو الغروب, نرجعو لسؤالنا لي هو : شنو هي أطول تجربة ديال الغروب ممكن تعيشها؟
على خط الاستواء فمارس وسبتمبر الغروب تايستامر كتر من 2 دقايق,أما فالمناطق لي قريبة للقطبين, وفشي بلايس بحال لندن فراه الغروب تايستغرق من 200 ثانية تال 300 ثانية.
وبما أنك كاتقلب على شنو هي أطول تجربة ديال الغروب ممكن تعيشها, غادي نقوليك أنك إذا كنتي دابا واقف فالقطب الجنوبي فأوائل شهر مارس, فراه الشمس غادي تكون فوق السماء اليوم كامل, وفشي وقيتة ف21 مارس غادي تكون الشمس كاتقيس الأفق, باش دير أول غروب ليها فالعام, وبالتالي غادي يكون هذاك أطول غروب حيتاش غايستغرق من 38 تال 40 ساعة.
دابا المشكل هو كيفاش غادي تمشي لقطب الجنوبي باش تشوف هاذ الغروب؟
بحت/ترجمة/إعداد : زكرياء بلقاسم
