علاش الفشل زوين؟

ها علاش الفشل زوين :

كاع الناس لي نجحوا هوما ناس لي فشلو مرة وجوج وتعلموا من أخطاءهم ومافقدوش الأمل, ولكن واش فخبارك بلي الفشل يقدر يخليك تكون ناجح؟

ها علاش الفشل زوين :

حسب واحد الدراسة دارتها المنظمة الأمريكية لعلم النفس, جابت 111 طالب وعطاتهم واحد الكونطرول صعيب يدوزوه, نص قالو ليه لا بأس أنكم تفشلو و النص لاخر ماقالو ليهم والو, فالأخير لقاو بلي تاواحد ماقدر يخرج الامتحان من غير دوك لي قالوليهم لا باس أنكم تفشلو, لقاو بلي القدرة على انجاز الاختبار والوصول الى الحل كانت كبيرة عندهم, بينما لوخرين كانت الجودة ديال اجتياز الامتحان قليلة, نفس الشيء دارو واحد المعهد فواحد الدراسة على القرودة بحيث واعدو بعض القردة بمكافأة إذا دارو بعض المهام و وحدين آخرين ماواعدوهم بوالو, خرجو بنتيجة أن المكافأة أو المحفز تايخليك تقن الحاجة, من هنا ممكن نخرجو بخلاصة أن الفشل ممكن يكون حافز ليك باش تنجح وتحقق الهدف ديالك حيتاش الفشل تايعلمك بزاف.