كيفاش نطيح درية فراس العام؟
الخوت اللي مصاحبين عزاكم الله فالفلوس ديال الكادو ديال راس العام, شخصيا كنصح الدراري اللي مصاحبين باش يعطيو الكادووات واخا غير رمزيين... حيتاش كيوطدوالعلاقة بين الدرية و الدري و كيخليوها تزيد القدام- شوف موضوع شنو نعطي للحب فراس العام- الوغ ندخل للموضوع ديالنا,كيفاش نطيح الدرية فالليلة ديال راس العام أوفالبوناني. - خاص تبين ليها باللي راك مهتم بيها, و أنك كتشوفها مناسبة ليك باش تكونو مع بعضياتكم و حتانتا مناسب ليها. الوغ الخطوات اللي غتبدا تبع من اليوم تال راس العام هوما :
الخطوة 1 : باش بلاما نطول عليكم خاص تكون علاقتك مع هاد الدرية مزيانة يعني الحوار لي يكون تايدور بيناتكم عندو واحد الهدف يعني تدنبو هادوك الكليشاهات ديال فين صافا او فين شاداها كدا كدا ... (امثلة لبعض المواضيع : كتب, مقالات, اسفار, حوايج, الخ) حاول ديما تبين ليها انك جدير بانها تخصص ليك وقت ديالك تهضر معاك فيه, لدرجة انها تولي تخلى على دوك العناصر الحامضة لي كايهدرو معاها فدوك الكليشاهات لي ذكرنا كبيلة. او غايكون افضل الا هدرتو على شي فلاشات وقعو ليكم بجوج, او حاول ديما تكون نتا المسيطر على الحوار او تكون نتا لي عندك مايتقال عليها.
الخطوة 2 : بالاعتماد على الخطوة السابقة الذكر غادي تكون كسبتي الدرية او بعبارة اخرى تقربتي من الهدف او لي هو تاكل جوج حلوات فراس العام, جلوى ديال راس العام, او الثانية ديال الراس, اه هاداك. دونك تايبقى غير تدخل معاها فنقاشات حول ليلة راس السنة, او بدى نتا المبادرة ديال انك تبين ليها ان ليلة البوناني معاك كتدوز هي هاديك.
الخطوة 3: من خلال الخطوة 1 او لي كتنص بشكل صريح على اهمية التقرب من الفتاة يعني بجميع الوسائل, يعني غادي تكون من المحتمل عرفتي اشنوهوا الكادو المثالي لي غادي تعطيليها فراس العام, في حالة ما كنتي شومور اولا زلط ماعليك غير تشوف موضوع اشنو نعطي للحب فراس العام.
الخطوة 4 :هي لي كتقرر واش اتابعتي الخطوات بشكل سليم ولا غي كتخربق وبالتالي ما كاين لاش طبق هاد الخوة المصيرية. و الخطوة باختصار عبارة عن حوار كالتالي من فمك لوذنها :
"واش افلانة صافا المهم اشبانلك نخرجو انا و نتي فراس العام ؟ حينث راني غاندير شي بلانات متاكد انهم غايعجبوك او عاد عندي ليك مفاجئة فاللخر, اللي تا هي متاكد انك عمرك تنسايها. اوك ؟"
بالنسبة الاخوان لي تايسكرو او الدريات تا هوما ماغاديش يكون عندك نفس الحوار انما الحوار غايكون كاالتالي :
"واش الحب فراس العام غانتحرك لشي بواط الا بغيتي تحركي معايا غادي دوزي بوناني جامي تنسايه."
بين قوسين ردو البال مع الحناش ادراري لاتصدقو مكملين الليلة عندهم, او دوك القراعي لي سكرتو بيهم اطلعو.
الخطوة 5: من بعدما قريتي هاد ااخطوات الربعة لي قبل، كنظن انك غاتكون قادر تزعم او نتا متاكد انك غادي تحقق الهدف ديالك مع خيتنا او لي هو تخرج معاها ليلة د راس العام، الوغ غايخصك غي شوية د التعبير كمثال : من مورا ماتجمعو شي 15 دقيقة قوليها اهيا ندوزو ليلة دراس العام مجموعين نمشيو لشي بارتي اولا شي مركب لي كيخلق السعادة، اولا قوليها نمشيو لشي بواط الا كنتو كتسكرو بجوح، فوالا.
إعداد : الدون أمين
