علاش دراري تايفيقو بقضيب منتصب؟ -التفسير العلمي-

بزاف ديال دراري تايفيقو بقضيب منتصب, هذا اذا ما قلناش كاع دراري تايفيقو بهاذ الحالة, إلا أن الأغلبية ديالهم ماعارفينش علاش؟ دونك ما فيها باس فالمقال ديال اليوم نعرفو السبب ديال هاذ القضية من منظور علمي بحث.

دونك علاش الدراري تايفيقو بقضيب نتاصب؟ قبل مانجاولو على هاذ السؤال خلينا بعدا نشوفو واش من الطبيعي أن الدراري يفيقو وهوما راسمين هرم ديال الماسونية؟ ديك ساعة نشوفو الأسباب لي تاتخلي القضيب يكون منتصب فالفترة الصباحية.

واش الانتصاب الصباحي طبيعي ولا لا؟

واحد الدكتور سميتو توبياس كولر Tobias Köhler, أستاذ مساعد ومدير برنامج المقيمين فقسم المسالك البولية فجامعة أمريكية فجنوب إلينوي تايقول أن انتصاب القضيب كايوقع بشكل لا إرادي فالصباح بكري ولا منين تانفيقو بمعدل ديال 3 تال 6 ديال المرات خلال 8 سوايع لي تانقضيوها فالنعاس, وهاذ الانتصاب تايستامر من 15 تال 30 دقيقة, وهاذشي طبيعي بحيث كايقول نفس الدكتور فنفس الوقت أنه من الطبيعي أن دري يفيق ويلقا القضيب ديالو منتاصب بقوة.

علاش هاذ الانتصاب الصباحي؟

فالنهار منين تانكونو حنا مشغولين بالحياة الدماغ ديالنا تايعطي الأمر للغدد الصماء باش تفرز لينا واحد الهرمون لي سميتو النورادرينالين لي تايعيق الانتصاب, باغ كونطخ منين تانعسو كاتولي كمية افراز العقل لهاذ الهرمون قليلة بشكل تدريجي, وبالتالي ونتا ناعس القضيب ديالك تايبقا نتاصب بشكل متقطع, الدكتور كولر تايقول أن الانتصاب الصباحي بالشكل المعتاد لي هو الشكل العادي لي هضرنا عليه تايدل على أن صحة مجاري الدم فالقضيب هي هاذيك, الشيء لي تايضمن لينا انتصاب فالأوقات ديال الإثارة, ولكن هاذشي ماتايعنيش دائما أن القضيب ديالك غادي ينتاصب فالوقيتة ديال العلاقة الجنسية, حيتاش ديك ساعة تايكونو عوامل نفسية بحال الكآبة ولا الخوف من أنك ماتمارسش الجنس مع الشريكة ديالك بالشكل المطلوب, وبالتالي خاص نفرقو ما بين السلامة الفيزيولوجية والسلامة السيكولوجية.

على العموم إذا ماكانش قضيبك كاينتاصب فالليل فراه هاذشي يقدر يكون تايعني أنك عندك مشكلة فمجرى الدم للقضيب, وبالتالي تقدر تكون مصاب بمرض من الأمراض التالية : 

-القلب, ارتفاع نسبة الكوليسترول فالدم, انسداد الأوعية الدموية أو لا ارتفاع ضغط الدم اي الطونسيون.

باش تاينفع هاذ الانتصاب الضباحي؟

نفس الدكتور تايقول لينا أن الانتصاب الصباحي تايخلي الأنسجة ديال القضيب طرية و مرنة الشيء لي تايخلي القضيب يكون صلب أثناء المعاشرة, وكايقول أيضا : القضيب عضو إما تخدمو إما تخسرو. وبالتالي لي خاص نعرفوه هو أن الانتصاب الصباحي مهم حيتاش إذا بقا القضيب منكمش لفترة طويلة غادي يأدي لتناقص هاذ المرونة لي دوينا عليها والنهاية غادي تكون نقص طول القضيب أثناء الانتصاب.

أشنو ندير في حالة ماكاينتاصبش ليا القضيب فهاذ الفترات؟

إذا مالاحظتيش الانتصاب يوم ولا يومين فراه ماشي مشكل, حيت غادي يكون غير انتصب فالليل ومنين فقتي رجع للحالة العادية لي هي حالة الانكماش, اما اذا ما انتصبش ليك كتر من شهر فهاذ الحالة خاصك تشوف الطبيب المختص لي غادي يشخص ليك المشكل فين كاين, ويعالجو.

بحت\ترجمة\إعداد : زكرياء بلقاسم