الاقتصاد او لا l'économie هي كلمة كاتعني تسيير المنزل، او لا l'administration d'un foyer, ولي جاية من الكلمة الاغريقية oikos nomos, هاذ العلم هذا لي هو علم الاقتصاد طبعا، تايهتم بدراسة الانتاج - la production, التوزيع la distribution, التبادلات - l'échange واستهلاك السلع والخدمات - la consommation des biens et services وبصفتو علم من العلوم الاجتماعية - sciencessociales فهو تايهتم أيضا بدراسة السلوكات ديال المستهلكين - les comportemens des client، ولكن كيفاش تايديرو علماء الاقتصاد باش يدرسوا هاذشي كامل؟
فهاذ المقال ديال اليوم غادي نعطي غير رؤوس الأجوبة، باش فالمقالات جاية نتعمقو شوية، باش كولشي تولي عندو عقلية اقتصادية، ويفهم الاقتصاد المغربي خاصة، والاقتصاد العالمي عامة.
دونك باش علماء الاقتصاد يدرسوا هاذشي اشنو دارو، قسموا الاقتصاد الى قسمين :
الاقتصاد الجزئي - Micro-economie لي من خلالو تاندرسوا سلوكات المستهلك والشركات - les comportements des conosmmateurs et des entreprises, فظل مجموعة من اللعيبات لي من ضمنها الكمية دالموارد، وشحال تايتقداو الناس، ومجموعة من الأسئلة لي منين كانجاوبوا عليها، كانكونوا عرفنا كيفاش نوازنو ما بين العرض والطلب، ولي هو المبدأ الأساسي فالاقتصاد الجزئي.
الاقتصاد الكلي - Macro-economie ليمن خلالو تاندرسو الاقتصاد ككل، يعني ندرسوا تأثير مجموعة من العوامل على الاقتصاد بحال البطالة chômage، التضخم inflation, اجمالي الناتج المحلي GDP, فمثلا اذا كانت نسبة الشوماج كبيرة فالمغرب، فاكيد هاذشي غايأثر سلبا على اجمالي الناتج المحلي.
بون بلا مانطول عليكم فهاذ المقال باشما دوخوش، لي مهم تعرفوه اليوم هو أن الاقتصاد، هو علم، تانعتامدوه باش ندرسو بزاف ديال اللعيبات، لي غاتخلينا نحلو شلا مشاكل، او نزيدو شلا رباح سوا للشركات سوى للدولة.
فالمقال جاي غادي ندويو على microeconomie ولي بعدو macroeconomie, باش نفهمو الاقتصاد مزيان وونكتاسبو عقلية اقتصادية.
إعداد : زكرياء بلقاسم
