العلوم الفاتيفلوغيزمية هو برونش فعلم النفس التطوري (عنداك ديرها بصح) هاد علم النفس التطوري هو علم كدرس بزاف د الحوايج لكتصدر من السلوك البشري منهم حتى كفاش كختار الراجل المرأة و العكس أيضا،و من هاد الإختيارات ديال بوركابي هو أنه كفضل الزعرات،هادشي مجاش إعتباطي داك الوقت فين كانوا جددنا كيعيشوا فالسفانا ماكانش عندهم شي واسيلة إعرفو العمر تاع المرأة دونك كان لون الشعر واحد المؤشر دقيق على العمر يعني كل ما كان شعر الزعر فاتح كل ما عرف الراجل أن المرأة شابة مزال،و شباب كدل على خصوبة أكثر كما هو الحال مع البزول الكبير لي كيعطي نفس المؤشر لي هو العمر دونك خصوبة و قدرة على إرضاع افضل،حتى الشعر الطويل مفضل عند الراجل حيتاش كعطي مؤشر على العمر و حتى على صحة المرأة واش قادرة باش توفر الرفاه للطفل تاعها سوى فكرشها او فترة تاع التربية،هاد الناس مشاو بعيد و قدرو إعرفو لنا علاش العينين الزرقين مرغوبين عند الطرفين كما كنعرفوا بلي بؤبؤ العين كتوسع منين تنشوفوا شيحاجة كتعجبنا،و هو طبعا دليل صادق على الإعجاب حيتاش منقدروش نتحكموا فيه،دونك علاش العينين الزرقين حيتاش هما الأسهل باش نحددو واش حجم البؤبؤ كتوسع (الإعجاب) ولا لا،أما بالنسبة للعينين الكبار هما كدلو على مستويات عالية ديال الإستروجين،و النساء لي عندهم الإستروجين أعلى كيدوز عليهم وقت أسهل فالحمل...دب هاد المعايير كتخاد فبزاف الإشهارات و الإعلانات و حتى المونيكة "باربي" ماتصمماتش غير هكاك و لكن داكشي كان وراه حسابات دقيقة من ملايين السنوات تاع التطور بالإنتقاء الجنسي.
اللمهم أخي الإفريقي الوقت لي تشوف شي وحدة عجباتك ماتنساش تفكر جدودك و تسلم عليهم...كذلك أنتي أختي في الله راك ماشي خايبة راه غير جددنا منصفوكش و صافي.
اللمهم أخي الإفريقي الوقت لي تشوف شي وحدة عجباتك ماتنساش تفكر جدودك و تسلم عليهم...كذلك أنتي أختي في الله راك ماشي خايبة راه غير جددنا منصفوكش و صافي.
المرجع : كتاب "العلم النفس التطوري" دافيد باس
بحت/إعداد : سعيد هموني
