واش المسرحية كانت مسرحية ؟ *مقال موجز جدا عن فن المسرح. *بس: واخا تكون ماشي من المهتمين بهاد الفن كمل المقال،دايز دايز استفد شوية آش خاسر ؟ الخسارة هي إيلا كاعما كنتي من المهتمين بهاد الفن. غادي ندوي بشكل موجز عن المسرح أو المسرحية أولا الفرق بين الكلمتين الأولى "المكان" و الثانية "النص المسرحي". بلا شك منين كانسمعو كلمة "مسرحية" أول ماكانتخايلوه هو واحد القصة كاتروي الأحداث ديالها حركات و كلمات ديال ممثلين على شي خشبة قدام بنادم،ولكن واش المسرحية كانت مسرحية؟آجي نشوفو كيفاش كانت و كيفاش بدات. الأصل ديال المسرحية اللي كانشوفو اليوم هو المسرحيات اليونانية القديمة اللي بانت فالقرن 6ق.م،و اللي حتا هيا ماشي غيجات و ولات مسرحيات،من قبل كانوا اليونان كايمارسوا واحد الطقوس دينية باش يمجدو الآلهة ديالهوم (ابحث في الموضوع راه طويل شوية)،هاد الطقوس كانت عبارة عن مشاهد تمثيلية حوارية،من بعد فكروا رجال الدين فإستغلال هاد الطقوس أو بالأحرى هاد المشاهد باش يمثلو بها قصص من التوراة للناس من أجل تقريب الصورة،لحد الساعة مازال لا وجود لفن المسرح،و ماكانوش عارفين بلي داكشي لي كايديرو غادي يولي فن فواحد الوقت و اسميتو فن المسرح. المهم من بعد تخادت دوك المشاهد بعين الاعتبار و مابقاتش مقتاصرة غير على ترجمة التوراة للمشاهد بل ولات منبر كاتمرر منو رسائل فمختلف المواضيع،و تبدل المنحى ديالها من اتجاه ديني لأخلاقي،و من تم بقا هاد الفن كايطور و داز من بزاف ديال المراحل و كل مرحلة و عندها الناس ديالها(ابحث في الموضوع راه طويل شوية)،دونك هنا ممكن نقولو أن اليونان كايتعتابرو أول من إهتم بفن المسرح و اول من وضع له قانون خاص به،كاين اللي كايقول أن الفراعنة كانوا كايديرو نفس الطقوس الدينية قبل اليونان و لكن ماعمرهوم ما فكروا أن داكشي لي كايديرو راه يقدر يولي فن،وبالتالي مايمكنش نقولو عليهم هم أول من مارس هاذ الفن،كيفما كايتعتابرو الرومان أول وحدين تآنسبيراو من اليونان فالقرن 3ق.م. من تم و هاد الفن في تطور إلى أن وصل لما نراه اليوم من مسلسلات و أفلام سينمائية كاتلعب دور كبير في حياة الإنسان المعاصر. بس:هذا بحث بسيط و سطحي تم فيه جمع بعض المعلومات المهمة عن بدايات فن المسرح. *مافيها باس إيلا باغطاتيجي هادشي لي عرفتيه دابا باش يعرفو واحد آخر !
بحت/إعداد : م.شعيب زعرير الركراكي
