وسوسة ميكيافيلي.
علاش الحكام العرب متسلطين ؟ علاش الخطاب السياسي العربي سلطوي و ديني ؟ و شنو علاقة ميكيافيلي بالعرب, و بالخصوص الوسوسة ديالو أي المبادئ السياسية ديالو أو بالأحرى النصائح السياسية اللي قدمها للأمير لورينزو الثاني دي ميديشي ابن بييرو الثاني دي ميديشي باش يرجع السلطة ؟ و شنو هوما التجليات ديال هاد النصائح "الذهبية" فأنظمة الحكم العربية ؟
أولا قبل ما نبداو خاصنا نعرفو شكوناهو الفيلسوف و الفقيه السياسي نيكولو ميكيافيلي ؟ وشنو هي الفلسفة ديالو السياسية؟
نيكولو ميكيافيلي أسيادنا هو واحد الطالياني مفكر و فيلسوف سياسي بالدرجة الاولى (و عندو اهتمامات بمجالات أخرى كالمسرح, و التأريخ, و التنظير العسكري...) عاش فالقرن سطاش فعصر النهضة.
ميكيافيلي ما خلا فاش كتب بحيث المؤلفات ديالو تقدر بثلاثين مؤلف, ولكن أهمها هو كتاب الأمير اللي تنشر سنة 1513 و هو اللي غادي نركزو عليه طيلة هاد السلسلة اللي ختارينا ليها كاسم " وسوسة ميكيافيلي". دونك شنو كنقصدو بوسوسة ميكيافيلي و شنو العلاقة ديالها بالأنظمة السياسية العربية ؟ هادشي اللي غادي نكتاشفوه من بعد فالجزء الأول من السلسلة.
تال هنا غادي نقول ليكم سيرو قلبو على كتاب الأمير و حاولو تقراوه حيت من بعد غادي نحاولو نتعمقو مزيان, و غادي تكون عندنا نظرة أوضح للسياسة العربية و غادي نعرفو علاش الأنظمة ديالنا هكا .
إعداد و تقديم : أيوب بلقاسم
