السلام عليكم لافامي جيسبيغ كو راكم كاملين بخير الوغ من بعد هاد المدة كاملة لي غبرنا بحجة انه صافي سالينا الدروس المهمة او بعبارة اخرى مابقى مايتقال, فكرنا البارح انا و اصدقاء الصفحة بانه يجب اعادة تطوير الصفحة اي نجيبو الجديد و الجديد هاد المرة ليهو على شكل كيفاش نتقرب من درية ؟ او اشنو الجمل لي نستعمل باش ندوي مع ايتها فتاتة ؟
لي انا عارف او نتا عارف انه كايبان لينا انه من الصعب جدا انك تلوح لدرية شي جملة او تخليها تهضر معاك, خلينا من "بسبس الزين" " وااا اححح امي قلبي" "ايهو تيتيزة ايهو بوكوصة هاني سيليباطيغ" سماحلي هاذو تقولهم فاش تكون مع عشرانك او تبغيو طلعوها على شي درية كتشبه لشي واحد من هادوك لي جالسين معاك, فهاد الدرس عزيزي القارىء غادي نجاول نعطيك افصح الجمل يعني الجمل لي من اللخر, حنا فعصر السرعة, القراية كططلب السرعة, الانترنت, اي حاجة ولات غادية بالسرعة الوغ كو تا التزلال خاصو يواكب هاد العصر او يدخل فلاوطوروت.
كيفما سبق تلاح فالباج كيفاش نطيح درية واحد الموضوع لي المضمون ديالو هو ان تيتيزة عادية بسيطة تقد تعرض للتزلال خمسين مرة, ما بالك شي وحدة فشكل ؟ او كيفما ديما غانحاول نقرب ليك الفكرة لي غاتخليك نتا تميز وصط هاد العدد او تحرز الهدف, الوغ كيفاش ادون ؟ -كانراهنكم انكم ماعرفتوش شكون كان تايدوي-
جمل بساط اي صريحين يعني لي نطولوه نقصروه, ماشي بمعنى تمشي تقولا بغيت ناكل ليك الحلوى الا, بمعنى انك تجيها نيشان مثلا :
"واش, انا اول مرة كنشوفك فحياتي, او بغيت نقولك انني اول مرة نشوف شي درية زوينة بحالك, ... عينيها زوينات ... كمل من عندك يا أخي ... ههههه ..."
هاد الجملة كتعتابر من بين اسهل الجمل لي يمكن ليك تقولهم, مع النظر انهم اسهل من سلام عجبتيني نيميرو الليحفظك الميمة.
"واش, اشنو بان ليك نتجمعو انا ونتي على شي براد داتاي او نهضرو ؟ "
عوض الدخلات دالكافي لي قدامو, كاينة احتمالية كبيرة تكون انك نتا اول واحد يقوليها نشربو اتاي مجموعين, الوغ هنا غاتبدا تعطيها انطباع انك شوية منفرد على ما سبق. (احتمالية انك تكون نتا اول واحد قالها اتاي غاتنقص مورا مابتلاح الدرس حينث كلشي غايولي يستعملها).
"كيفاش دوزت هاد ليام لي قبل سيليباطيغ, كان خاصني ضروري نتلاقاك."
دخلة جريئة او انا متاكد انها ماغاتجاوبش فالحين حينث عمرها سمعات بحال هاد الجملة, في حالة ما قالت لا فهذا يفتح لك مجال اتخاذ المبادرة في النقاش دخل معاها فشي بلان من داكشي لي ذاكرين فالباج.
"ماتشوفيش فيا بحال هكا را كانحشم"
تيكنيك مفاجئة او تقد تفهمها بالعكس الوغ حاول ما اسرع تجبد معاها حوار,
"واش كاتزللي-كاتنكي عليك انا ؟"
انا متاكد انك غاتكون بتاسمتي شوية حينث التركيب ديال الجملة غلط فغلط الوغ تا هي ماغاتفهم والو او غاتبتاسم.
"سلام باينة ليا بحالا كاتسناي فشي واحد, تانا, صافي نتسناوه بجوجه"
هضرتي, خديتي القرار, صافي سالينا ماعليك غير تباشر فحوار.
"كاتامني بالحب من النظرة الاولى اولا غاتخليني نتبثها ليك فاقل من نصف ساعة ؟"
"عرفتي ان هاذ المكان مميز ؟ حينثاش تلاقينا فيه"
الوف ملحوظة : هاد الجمل كايظمنو ليك فقط راس الخيط اي الدخلة يعني خاصك تركز على اشنو موراهم, و نصيحة عليكم بالارتجال.
الدون أمين
