شحال من مرة كايجيك طموح باش دير شي حاجة و توصل بيها بعيد, ولكن كاتلقا بلي راك ما فاهمش راسك, و ما عارفش حتى شنوهي هاد الحاجة لي دير, داكشي علاش بغيتك تحط ورقة حداك, وتكتب فيها الحلم ديالك, أو الأحلام ديالك, إذا افترضنا مثلا أن الحلم ديالك هو تولي رسام, ونتا ماكاتعرفش ترسم, فراه يمكنليك تعلم, وتحتارف غير ف 20 ساعة, وهذه هي النظرية لي جا بيها "جوش كوفمان", يكفي أنك تخصص كل يوم 45 دقيقة لداكشي لي بغيتي تعلم ليه و غادي تولي كاتسرعوا, الأمر غاياخد منك شهر, شهر فقط باش تعلم لداكشي لي بغيتي و تقنوا, تخايل معايا شحال من حاجة غاتعلم ليها فظرف عام...صاحبي الفرصة بين يديك, خاصك غير تهز ورقة وتكتب فيها داكشي لي بغيتي, لصق sticky notes فالحيط ديال بيتك, وكتب فكل وحدة فيهم الهدف ديالك, والتطور ديال الهدف ديالك, باش كل مرة تعرف فين وصلتي, وباش كل مرة تشوف فيها ستيكي نوتس تفكر الهدف وعمرك تنساه, وتبقا غادي خطوة خطوة حتى تحققوا...
القضية بالهضرة كاتبان ساهلة, ولكن منين نجي نجرب ماغانكملش, أولا لا؟
هاذ الهضرة معقولة وبزاف دناس لي ماعمرهم طفروه حيتاش ماكملوش, ولكن واش عمرك تساءلتي علاش ماكايكملوش؟ كاع لي قاليك راني درت وفعلت وعييت وشي ماتحقق والكتب لي قريت مانفعونيش عرف الديفو فيه, ولي كايتبكى ويتشكى عمروا غادي يطفرو فحياتو, عكس هذاك لي كايوقف عند كل مشكل ويحلو عاد يدوز ماشي تايخلي المشاكل يتراكمو, لي تايحقق الاهداف ديالو هو داك الانسان لي كايلتازم بالشروط الثلاثة لتحقيق الأهداف, خليك معانا باش تعرفهم وتنجح فحياتك.
