الجنس وما أدراك ما الجنس, داك النشاط لي كان سبب فالوجود ديالك, ديك النشوة لي استمرات واحد المدة قبل الرعشة الأخيرة لي خلاتك تسافر للبويضة, باش تخرج على شكل انسان فالأخير وتقرا هاذ المقال لي العنوان ديالو : شنو هوما الفوائد ديال الجنس؟
ديك الممارسة لي بزاف ديال الناس تايحشمو يهضرو عليها, داك النشاط لي تايضمن الاستمرارية ديالنا, عندو بزاف ديال الفوائد, لي غانذكرو منها :
الجنس تايحيد التوثر :
حسب الدراسات فإن الجنس, تايخفض من ضغط الدم, وتايحيد التوتر والقلق, بحث العلماء قامو بواحد الدراسة على النشاط الجنسي, شدو 24 مرأة و22 راجل قاسو ليهم ضغط الدم, والاستجابة ديالهم للانفعال والتوتر, ولقاو أن هاذوك لي تايمارسو الجنس بانتظام قليل فين تايتعرضو للتوتر, عكس هاذوك لي خارج التجربة, أي لي ماتايمارسوش الجنس.
الجنس يحفز الجهاز المناعي :
العلماء لاحظو بلي ممارسة الجنس من مرة تال جوج مرات فالسيمانة, تايرفع من مستوى أضداد "lgA" المناعية فالدم, ولي هي مركبات مناعية تاتعاون الجسم باش يتصدى لمجموعة من العوامل الممرضة وخصوصا الانفلونزا الرشح وشي عجب آخر.
الدراسة لي دارت فهاذ الصدد شملات 112 واحد, خداو الدفال ديالهم أو اللعاب ديالهم, وقارنوه مع الناس لي ماكيمارسوش الجنس, ولاحظو أن عند الناس النشيطين جنسيا, المستوى ديال أضداد "lgA" المناعية كايكون مرتافع على الناس لي غير نشيطين جنسيا.
الجنس تمرين رياضي :
النشاط الجنسي هو عبارة على تمارين رياضية لي بدورها تاتنشط الجهاز القلبي والوعائي, وتاتعزز القوة والمرونة والتوازن.
الجنس كايجيب السعادة :
الجنس تايساعد على تعزيز الثقة بين الشريكين, والثقة فالنفس, إضافة على أنه تايرفع مستويات الدوبامين فالجسم, الشيء لي تايخليه مصدر سعادة لبزاف ديال الناس, زيد على ذلك الجنس تايرفع من مستويات الاوكسيتوسين ولي هو هرمون الحب, وبالتالي منين تاتمارس الجنس, كاتولي تبغي, حيت أوطوماتيكمو العقل ديالك كايفرز هاذ الهرمون لي ماتايقتاسرش فط على الحب, بل حتى على السخاوة والعطاء, وهاذشي علاش منين تاتبغي تاتعطي كثر.
الجنس تايحميك من الاصابة بسرطان البرستات :
كلما كان الشاب تايمارس الجنس كتر, كولما كانت احتمالية اصابتو بسرطان البروستات قليلة, هاذشي علاش منين تايضروك الخصيتين ديالك وتاتمشي عند طبيب ديالك تايقوليك مارس العادة السرية بانتظام.
واخا كل هاذ الفوائد, ضروري أننا نوهو الى أنه إذا بغيتي تمارس الجنس, ماتنساش دير العازل الطبي :)
بحت/إعداد : زكرياء بلقاسم
