أشنو الفرق/العلاقة بين الحب والجنس؟
بزاف ديال المرات هي فين تاندويو على الحب وفعقلنا صورة ديال بنت ناعسا حدانا وتانمارسوا معاها الجنس، بل فبعض الأحيان تاتحضر فبالنا صورة ديال بنت معجبين بها فقط، ومنين تانتخايلو راسنا معاها ففراش واحد، تانوليو نحسوا بالحب من جهتها، هاذ الملاحظات هاذو وهاذ التصورات هاذي لي تاتجينا، خلات مجموعة من علماء التحليل النفسي، وبعض السيكولوجيين، يفنيو حياتهم وهوما تايدرسو العلاقة والفرق مابين الحب والجنس، لي اليوم قررت أنني نجعلها موضوعي لي غاناقشو معاكم باش نفهموا كاملين العلاقة/الفرق ما بين الحب والجنس، وكبداية وتمهيد غانبداو بالفرق ما بين الحب والجنس، ومن تم نشوفو العلاقة بيناتهم.
أشنو الفرق ما بين الحب والجنس :
بزاف فينا لي ماتايفرقوش ما بين الحب والجنس، هذا حيتاش على الدوام المسلسلات تاتسمي الجنس حب، فمثلا ديما تانسمعو : ممارسة الحب، making love، هاذ المصطلحات البسيطة خلات صورة الحب، الوحيدة، والنمطية، هي : أنا أحب فلانة معناها أنا غانمارس الجنس مع فلانة، alors que لا، حيت الحب - l'amour هو شعور عاطفي، لي تايدوم مدة طويلة -بطبيعة الحال اذا كان حب حقيقي، وماكانوش مشاكل- بينما الجنس le sexe, هو رغبة (ماشي شعور) و غريزة، بيولوجية (ماشي عاطفية او نفسية) دونك الفرق هو ان الحب شعور عاطفي نفسي، وشخصي لانه مرتبط بشخص واحد، بينما الجنس هو رغبة وغريزة بيولوجية، ماشي شخصية، حيت بالامكان تمارس الجنس مع بائعة هوى، او صديقة مصلحة…
أشنو العلاقة ما بين الحب والجنس :
العلاقة بين الحب والجنس، هي أن الحب مفتاح الجنس، حيت اثناء الحب تاتكون ثقة متبادلة، وقبول، دونك هاذ الثقة والقبول تايفتحو الباب للانتقال للمرحلة الثانية لي هي ممارسة الجنس، ومنين غاتمارس الجنس مع وحدة كاتبغيها غاتفهم ان الفرق بين ديك الممارسة وما بين وحدة مع وحدة ماتاتبغيهاش واضح، لان فالاولى غاتحس بالحنان، والراحة، وغاتمارس الجنس بالطريقة لي كاتبغي، بينما مع وحدة ماكاتبغيهاش او بايعة هوى، غاتكون الممارسة ميكانيكية خالية من المشاعر، الشيء لي تايخليها ماتكونش مكتملة الطعم.
كختام الجنس ماعمرو كان طابو، الجنس شي حاجة ضرورية لاستمرارية الحياة، وبالتالي ماكاين لاش نتحرجو من مناقشتو.
بقلم : زكرياء.ب
