الدرية لي كاتكون كاتبغيك, كاتصرف تصرفات كاتختالف تماما على ذيك لي ماكاتبغيكش, وهاذشي ناتج من اللاوعي ديالها بحيث أن في حالة ماقالتهاليكش فإنها كاتكون كابتاها فراسها, لشيء لي كايفتح الباب أمام اللاوعي دالها, باش يعطينا 4 إشارات تدل على أنها تحبك لي هوما كالتالي :
1- كاتشوف فيك
الشوفة المتتالية, بشكل دائم إشارة قوية, تقدر تحمل جوج دالمعاني يا إما مزعوطة فيك يإما معجبة بيك, اذا توفرات الاشارات لي من بعد, كون أكيد أنها كاتبغيك, -للاشارة فقط غير منين تاتكون مع دراري وكاتبقى تشوف فيك شي درية مرة مرة, تايقولو ليك عشرانك راها مزعوطة فيك, ثيق فيهم هاذ المرة-
2-كاتقيس شعرها
ماشي بالضرورة شعرها ولكن فغالب الأحسان درية لي كاتبغيك كاتبقى تهضر معاك وتلعب بشعرها, بعض الأحيان كاتقيس كتفها أو الركبة ديالها أو ةجها أو أي جزء من الجسم ديالها, غير هو ماشي تشدها الحكة فركبتها ويحسابك راه كاتبغيك, اذا كانت الاستمرارية فاللمس ديال الجسد ديالها, كون متيقن أنها كاتبغيك
3-كاتقيسك
هاذ الخطرة ماشي تاتقيس راسها وإنما كاتقيسك, وهاذي اشارة قوية على أنها كاتبغيك, بحيث تانلاحظها بزاف سواء مع الإكسات لي كنت معاهم, ولا مع الدريات لي طايحين مع صحابي.
4- كاتكحاز ديما جيهتك
بعض المرات تقدر تكون غادي معاها فالشارع وتحس أنها كاتكحاز لجيهتك بحيث كاتقيسك بركبتها, إذا فايت ليك وفعات ليك, فراه ديك الدرية فريمو كاتبغيك/
إعداد : كوتش زكرياء
