سالات 2016 وقلت علاش لما نعطيكم لائحة ديال أروع الكتب لي قريت, ولي ننصحكم تقراوهم, هكذا نستافدو جميع.
الكتاب الأول : شيفرة دافينشيكتاب كتبو الأمريكي دان براون, الأحداث ديالو تادور في فرنسا وبريطانيا, بحيث غادي يتم الاتصال بلانغدون لي هو عالم رموز دينية, باش يتم الاستفسار ديالو فقضية قتل مسؤول فمتحف اللوفر فين غايكتاشف بزاف ديال الأمور حول الأخوية السرية سيون..
الكتاب الثاني : هيبتا
كتاب من تأليف محمد صادق, عبارة على واحد المحاضرة من إلقاء أسامة لي لعب دور المحاضر فالرواية, المحاضرة كانت المدة ديالها ستة ديال السوايع, مليئة بالدلالات, بحيث فكل قصة من القصص لي تطرحات فالمحاضرة غاتعلم حاجة جديدة, سواء فالأمل ولا الحب, بحيث غاتلقا راسك فكل وحدة فيهم..
الكتاب الثالث : الرمز المفقود
رواية رائعة من تأليف الكاتب دان براون لي عجبني فيها هو الذكاء ديال الكاتب, وكيفاش تايخليك تساءل باش تانتا تلقا الجواب وتعرف الأحداث لي جاية من بعض وفالأخير تايصدمك.
الكتاب الرابع : ضلع الإنسانية الأعوج
كتاب من تأليف إزيا برلن تايهضر على الطموح البشري, المساواة, العدالة, والبحث ديال الانسان على المثل الأعلى, والطوباوية عند الغرب إلخ...
كانصحك تقراه فقط حيتاش غادي تستافد منو بزاف ديال الحوايج, لي غاتنفعك فحياتك.
ونتا شنوهوما أروع الكتب لي قريتي ف2016؟ ماتنساش تراسلنا وتقولينا لائحة ديال أفضل الكتب لي قريتيها.
ملحوظة : لتحميل إحدى هذه الكتب, وكتب أخرى لم أذكرها, دخلو لهاذ الرابط : إنكاسيفن-كتب
