واش عمرك سولتي راسك علاش منين تاتسمع الموسيقى كاتولي سعيد؟ وإذا قلت ليك أن السعادة حاجة غريزية واش غاتيقني؟
محال ياك؟ ايوا تبع معايا فهاذ المقال حيتاش عندي مانقوليك.
الموسيقى أ صديقي فالقديم كانت كاتعتابر لغز لأنه العلماء لقاو عياو مايقلبو على السر لي تايخلي الموسيقى لي هي شي حاجة أبسطخي أي مجردة تاتأثر فالمزاج ديالنا وتخلينا سعداء بحالها بحال الغرائز لاخرين لي هما الجنس الأكل إلخ, ألوغ ا صديقي اللغز بقا قائم حتى دات واحد الدراسة دارتها McGill University فكندا ولي بينات أن الموسيقى تاتخلي عقلنا يفرز هرمون الدوبامين لي تايديكلونشي بدرور هرمون السروطونين, لي هو هرمون السعادة, وهاذشي راجع لشكل باش كاتمشي بيه الموسيقى ولي تايخلي العقل يبقا يتنبأ الطلعات والهبطات ويستمتع بيهم, الشيء لي تايخليه ينشط ويفرز الهرمون لي ذكرناه سلفا.
باختصار هاذ الدراسة هادي منين دارت استنتجوا العلماء أن الموسيقى لي هي متعة مجردة عندها نفس التأثير ديال المتع لي هوما حسيين, كيما بينات أن الموسيقى تايستاجب ليها العقل من خلال الدرات العصبية القديمة لي تاترتابط بالغريزة ولي هوما -أي الدرات العصبيى القديمة- كاتعود لملايين السنين.
باختصار أكثر من هذا, خاصك تسمع لموسيقى عرفتي علاش؟ حيتاش الحياة هي السعادة, والسعادة تقدر تكون هي الموسيقى بالنسبة ليك.
